...............نصائح مهمة لانتعاش الفم...........

Admin عدد المساهمات : 498 تاريخ التسجيل : 03/12/2011

رائحة الفم الكريهة من الحاجات اللي بتسبب إحراج لناس كتير...

والمشكلة دي لها أسباب كتيرة جداً؛ منها عدم الاهتمام بغسل الأسنان بشكل
منتظم، أو الإصابة ببعض الأمراض زي تسوّس الأسنان أو الجيوب الأنفية، أو
التهابات الحنجرة، أو وجود اضطرابات في الجهاز الهضمي.. بالإضافة إلى بعض
العوامل الخارجية؛ زي التدخين أو عدم تناول الطعام لمدة طويلة، أو تناول
بعض الأطعمة اللي بتسبب رائحة للفم؛ زي البصل والثوم...

ودلوقتي
تعالوا نعرف مع بعض مجموعة من النصائح الذهبية اللي هتساعدنا على التخلّص
من رائحة الفم الكريهة، وهتدينا إحساس بانتعاش دائم في الفم، علشان نقدر
نتكلم مع الناس براحتنا، وكلنا ثقة في نفسنا:

غسيل الأسنان بعد كل وجبة
طبعاً دي حاجة مافيش فيها كلام ولا نقاش، وهي غسيل الأسنان بالفرشاة والمعجون بعد كل وجبة.

أكيد فيه ناس كتير هتقول: طيب أنا باكون في الجامعة أو في الشغل طول النهار، وباكل بره البيت.. يبقي أعمل إيه؟؟

في الحالة دي يبقى لازم تحتفظي في شنطتك بفرشاة ومعجون، علشان تقدري تغسلي
أسنانك وإنتِ بره البيت، ولو مش هتقدري، يبقى يا ريت إنك تمضمضي أسنانك
بالميه كويس بعد الأكل، مع الحرص على غسيل الأسنان مرتين في اليوم؛ مرة
الصبح ومرة بالليل ومن غير ما تكسّلي.

ودي شوية نصائح لكيفية غسيل الأسنان بالفرشاة والمعجون:
1- ابدئي بالأسنان الأمامية ويكون اتجاه الغسيل من أعلى إلى أسفل.

2- بالنسبة للأسنان الخلفية بيكون غسلها من أسفل إلى أعلى.

3- بالنسبة للأسنان الجانبية بيكون الغسيل من أعلى إلى أسفل.

4- اوعي تنسي في النهاية، إنك تغسلي لسانك كمان باستخدام الفرشاة
والمعجون؛ خاصة الجزء الخلفي منه، وده علشان تشيلي الطبقة السطحية البيضاء
اللي بتساعد على تكاثر البكتيريا اللي بتسبب الرائحة السيئة للفم.

غيّري فرشاة أسنانك القديمة
النصيحة دي بالذات مهمة جداً، وهي إنك لازم تستبدلي فرشاة أسنانك بفرشاة جديدة كل شهرين أو ثلاثة.

رائحة الفم الكريهة من الحاجات اللي بتسبب إحراج لناس كتير... خيط الأسنان
يساعد على التخلّص من بقايا الطعام اللي الفرشاة ماتقدرش توصل لها

استخدمي خيط الأسنان
كل يوم بالليل، بعد ما تتعشي وقبل ما تغسلي أسنانك بالفرشاة والمعجون زي
ما اتفقنا، يا ريت تستخدمي خيط الأسنان أو اللي بيُسمى "الخيط السني"؛ لأن
الخيط ده هيساعدك على التخلّص من بقايا الطعام اللي ممكن الفرشاة ماتقدرش
توصل لها، وبكده يبقى إنتِ ضمنتِ نظافة كاملة لأسنانك.

وخدي بالك إن خيط الأسنان ده يكون مَرِن، ومش جاف وحادّ علشان مايؤذيش اللثة؛ يعني يكون متوسط الليونة.

ودي طريقة استخدام خيط الأسنان:
1- لفّي الخيط على أصابعك.

2- دخّلي الخيط بين الأسنان بحيث يثبت حول السن، وحرّكيه من الأعلى إلى الأسفل عدة مرات؛ بحيث يلامس خط اللثة.

3- احرصي دائماً على تنظيف الأسنان الخلفية، واوعي تنسي تغيّري الجزء اللي نظفتي به السن بجزء آخر.

بس خدي بالك إنك مع بداية استخدام خيط الأسنان، ممكن تتعرضي لنزول دم من
اللثة أثناء التنظيف بالخيط في أول يوم أو يومين من استخدام الخيط؛ لكن لو
استمرّ نزول الدم من اللثة أكثر من كده؛ فيا ريت تستشيري دكتور الأسنان
الخاص بك؛ لأن في الحالة دي هتكون اللثة محتاجة لعلاج طبي.

زيارة دكتور الأسنان بشكل دوري
يا ريت تعملي فحص دوري على أسنانك، وتزوري دكتور الأسنان ولو مرة كل 6
أشهر على الأقل، للقيام بتنظيف كامل للفم والأسنان، وإزالة الجير والتسوّس
والبكتيريا، اللي بيسببوا رائحة كريهة للفم.

نظّفي أسنانك الصناعية
لو كنتِ من الناس اللي بتستخدم أسنان صناعية، يبقى يا ريت تحرصي على إنك تشيليها يومياً وتنظّفيها بالمحلول الخاص بيها.

والمشكلة دي لها أسباب كتيرة جداً؛ منها عدم الاهتمام بغسل الميه بتساعد على ترطيب الفم وبتخلّي اللعاب أقل كثافة

اشربي ميه
بما إن السبب الأساسي في ظهور رائحة الفم هو الجفاف اللي ممكن إنه يصيب
الفم، يبقى يا ريت تحرصي دائماً على إن فمك ما يكونش جافّ، وده عن طريق إنك
تكثري من شرب الماء والسوائل، وده لأن الميه بتساعد على ترطيب الفم
وبتخلّي اللعاب أقل كثافة في الفم، وده لأن اللعاب الكثيف بيكون مصدر غذاء
غني للبكتيريا.. ده بالإضافة إلى إن الميه بتحمي بشرتك من الجفاف.

امضغي لبان بالقرفة
مضغ اللبان مفيد جداً للتخلص من رائحة الفم، وتحريك عضلات الفك والأذن،
وبيساعد كمان على تنظيف الأسنان من بقايا الطعام؛ وخاصة اللبان اللي بنكهة
القرفة؛ لأن القرفة مفيدة جداً، وبتحتوي على زيت طيّار بيساعد على قتل
البكتيريا الموجودة في الفم.

المضمضة
لو اللثة عندك فيها
التهابات، يبقى يا ريت تستخدمي مضمضة فم تحتوي على مواد مؤكسدة، مثل "ثاني
أكسيد الكلور"، والتي تزيد نسبة الأكسجين في الفم، واللي بيساعد على
السيطرة على البكتيريا اللاهوائية؛ بس خدي بالك إنك تستخدمي المضمضة دي تحت
إشراف الطبيب علشان يوصف لك النوع المناسب لكِ.

الأسنان بشكل منتظم، أو الإصابة ببعض الأمراض زي تسوّس الأسنان مضغ أوراق الخس بيساعد على التخلص من رائحة الفم

ودلوقتي تعالوا نشوف بعض الوصفات الطبيعية اللي بتساعد على انتعاش الفم:
غرغرة طبيعية بالنعناع أو المريمية أو البابونج
كل اللي هتعمليه، هو إنك تاخدي مقدار نصف فنجان من النعناع أو أزهار
البابونج، أو المريمية، وتحطّيه في نصف لتر ماء، وبعد كده تحطيه على نار
هادئة لمدة خمس دقائق.

بعد كده سيبيه لمدة ساعتين علشان يتنقع، وبعد كده صَفّيه وخدي الميه دي، واستخدميها كغسول للفم أو كغرغرة مرة كل يوم بالليل.

شمع عسل النحل
الشمع ده مفيد جداً للتخلّص من رائحة الفم، وكمان بيساعد على علاج بعض
القروح اللي ممكن إنها تصيب الفم، وكل اللي عليكِ إنك تمضغي شمع عسل النحل
ثلاث مرات يومياً؛ بس خدي بالك إن آخر مرة تكون قبل النوم.

مضغ الخضراوات
تناول الخضراوات الطازة بيساعد على التخلص من رائحة الفم؛ وخاصة لو بعد
تناول وجبة بتحتوي على بصل أو ثوم، كل اللي هتعمليه هو إنك تمضغي شوية
بقدونس أو أوراق خس أو تاكلي جزرة، كمان القرنفل يعتبر معطر هايل للفم.

...............نصائح مهمة لانتعاش الفم........... 400375_220163144729854_100002085105391_523694_1155141374_n

» ........نصائح مهمة في خدمة بشرتك............
» ...........نصائح مهمة لتتجنبى تشابك شعرك.....
» ..........نصائح مهمة لتتجنبى تشابك شعرك...........
» .............علاج اسمرار حول الفم................
» معلومات مهمة عن جسم الإنسان